Grein í Stykkispóstinn 13.júlí.

 

 

Ég þakka nágranna mínum og einum harðasta “púllara” okkar hólmara, Steina Eyþórs, fyrir pennann eða lyklaborðið væri kannski réttast. Tja hver veit?

Þegar Steini sat í stólnum einn góðann dag og fékk klippingu hjá mér, að hætti hússins “a la monzi”,  þá varð honum spurn hvort ég hafi skrifað í póst okkar Hólmara, og var hann lúmskur þar að finna sér áskoranda og tek ég því bara með bros á vör.  Kosningar? Nei ég held varla. Ég er úr svokölluðum bláum bæ en bý í rauðum og held ég láti það vera að byrja það væri svo erfitt að hætta. En samt vil ég óska áframhaldandi meirihluta í Stykkishólmi til hamingju.

Ágætu lesendur, hér sit ég í Hafnarfirði og læt hugann reika og skal ég nú segja ykkur það að þegar ég keypti mér íbúð í Hafnarfirði (Ásdísi móður minni til mikillar gleði þar sem hún er nú uppalin Hafnfirðingur) það fyrsta sem ég hugsaði þá var að fá svona smábæjarfíling eins og í Hólminum og viti menn það er nú einmitt það sem ég fæ og gott betur. Þegar ég fór að skoða þessa íbúð í Setbergshverfinu þá var ég búinn að ákveða að hér yrði keypt, áður enn ég steig inn í íbúðina vegna útsýnisins. Á góðviðris dögum, svo ég tali nú ekki um falleg sumarkvöld þá er ég með svakalegt útsýni yfir flóann, Jökulinn, Nesið og suður með sjó og er það nú “litlum Brokeyingi” eins og mér alveg ómetanlegt, þar sem ég hef alltaf haft fallegt útsýni og umhverfi í Hólminum og við Breiðafjörðinn, þar sem paradísin Brokey er fremst meðal jafningja. Nú svo er lika alltaf smá gola hérna á hæðinni sem gefur þessu bara meiri lit. Ég hef margoft verið spurður af hverju ég keypti uppí rokrassgati en ég get

ekkert fundið meira rok hér en bara einhverstaðar annarstaðar. Eins og t.d. á Víkurvelli hjá Mostra í góðri vest- norð-vestanátt eins og um daginn þegar ég spilaði 4. brautina í holtinu góða og endaði á 6+. Svona er að reyna spila djarft og eflaust einhverjir golfarar sem glotta út í annað núna og minnast þess síðast þegar þeir renndu sér í holtið, sem er ágætt þegar berin eru kominn.

 

En svo nýlega festum við hjónin kaup á Hárnyrtistofunni G2, (verðandi hársnyrtistofan  Cut) , hér í Hafnarfirði á besta stað við Lækinn, og er ég nú búinn að stytta tímann í vinnuna úr 20 mín í 2 mín sem er frábært þar sem bensínverðið er alveg í ruglinu og ætla ég pottþétt ekki út í þá umræðu takk fyrir. Svo ef ég veð bara úr einu í annað þá ætlaði ég nú heldur ekki að tala um kaffibollahringina á teikningunum af Vallarhverfinu í Hafnarfirði eftir fund bæjarstjóra og verkfræðings rétt áður en þær voru samþykktar og sendar í framkvæmd. Útkoman er á annan tug hringtorga í þessu hverfi og þannig eru gatnamálin leyst hratt og örugglega af stjórnendum hér í bæ. Bara varð að smella þessum á milli.  En þetta er nú bara ein af grínsögunum sem ganga um bæinn um þessi margumræddu hringtorg og skipulagsráðaleysið á gatnamálum í nýjum hverfum.

Ég hef einmitt verið að spjalla við nokkra innfædda “Gaflara” í stólnum sem segja mér einmitt skemmtilegar sögur úr bæjarlífinu nú og þá eins og þessa. Svona er þetta nú hér í Firðinum rétt eins og Hólminum þar sem örnefnin og skemmtilegar sögur af hinum og þessum gefa öllu gildi. Sannar sögur eða með smá kryddi skiptir ekki máli á meðan það meiðir engann. Alltaf stuð í bænum.

 

Nú að öðru þá er ég einn af ábyggilega einum eða tveimur sem fylgjast með HM og var ég búinn að ákveða að með Spáni héldi ég núna og smá Englendingum og kannski pínu Argentínu mönnum og svo eru nú Brazzarnir allatf í sambafíling, svona er þetta alltaf á þessum stórmótum, maður heldur með einum meira en öðrum en svo er svo gaman að sjá hinn eða þennan spila. Maður hefur gjörsamlega skoðanir á öllu allt einu og gæti tekið sig til við að þjálfa og stjórna einu liði með Beckham, Ronaldinho, Henry og Ballack innanborðs og eiginlega bara að skella sér inn á líka til sýna þeim hvað þeir hefðu átt að gera í staðinn fyrir að klúðra einhverju. Eins og einn félagi minn sem þolir ekki fótbolta orðaði það, þegar ég sat í góðum gír og horfði á Liverpool vinna einhvern stórleik, “jæja kallinn þá ert þú nú orðinn heimsmeistari í að öskra á sjónvarp innanhúss og það án atrennu” þá var búið að telja einhver orð sem ég hafði öskrað fram og  til baka eins og “rangstaða, víti  og  aukaspyrna” svo mætti lengi telja nokkur óprenthæf orð og svo þegar mótherjarnir lágu í grasinu þá var það náttúrlega bara leikaraskapur og væl. En ég er alveg mjög sáttur við að Ítalir tækju þetta núna. Svona er nú boltinn og svo þykist maður ekkert vita um hvað á að skrifa um í svona áskorandapistli.

 

Svo fékk ég Púllarann, bekkjabróður, vin og ný-steggjaðann drenginn,
Þorbjörn Geir Ólafsson að spreyta sig á ritlistinni í næsta blaði og ekki ættu að vera vandræði með ritefni á þeim bænum.. Jessörí bob. Lifið heil og sæl.

 

            Kv. Símon Bergsson Hjaltalín. (Monsi) “oft var nú stundum þörf en nú var kannski ekki alveg nauðsyn, en fast að því held ég bara”  

hasta sér og það strax

Jæja ég hef verið að skrifa pitil sem kemur í áskorandahorni Stykkishólmspóstsins 13.júlí og verður það bara fínt. Hann Stone temple Eyþórs var svo sniðugur að skora á strákinn. Þið getið farið inn á STH- Póstinn á link hér til hægri. Annars er bara allt fínt og þeir sem fylgjast með HM þá var snilld að Portúgal komst ekki í úrslitaleikinn. Helvítis kellingavæl í þessum smástelpum liggjandi út um allann völl án þess að sé komið við þá. Hunskast bara heim og hasta sér bara strax já. En ég hékt með Spánverjum sem eru farnir heim og eftir það voru það annað hvort Ítalir eða Þjóðverjar sem ég vill sjá sem heimsmeistara og reyndar unnu Ítalir Þjóðverja og vinna vonandi Frakkana í úrlitaleiknum en eins og mér sé ekki sama. Svo er maður byrjaður á ræktinni af einhverju viti aftur og var svona on / off síðustu 4 mán og aðeins farið að sjá . En það tekur enga stund að ná sér ef maður hastar sér bara já hipjar sig í eitthvað stuð og hastar sér. Markmiðið að verða betri en síðasti árangur og hefur það nú aðeins batnað þar sem Magga Massi pumpaði smá kjöti á beinin síðast og hafa sumir bolir og skyrtur ekki passað yfir bak og axlir, en það nú ekkert vitiði þá er bara mál að hasta sér og það strax rífa sig á lappir og láta Evert þræla manni út og hasta sér.

Svo var ég að spá með tvífarana. Þegar ég sá Gauta koma labbandi inn á stofu um daginn með fjölskyldu sinni þá er ég ekki frá því að votir urðu barmarnir og herpingur kom um hringvöðva suma. Já ok orðaði ég þetta svona… jæja þið eruð öll pervertar ef þið skiljið þetta ekki rétt;)

Þetta datt mér fyrst í hug hvort kvikindið væri kominn til að reyna að hjálpa ÍA upp úr drullumoðinu í sumar. Já hann er ekki allur þar sem hann er séður kallinn og tæki sig vel út sem gulur og glaður hahaha

Jæja ég er farinn að pakka niður og farinn eitthvert út í Brokey bara.

kv. monsi “þegar það þarf að hipja sig og hasta sér og það strax”

Engin sóló en samtó steggjapartýó

Ætli maður verði eitthvað latari á sumrin við að skrifa því það er svo gaman að vera úti í góða veðrinu.!!!!!

Alla vega var ég í hólminum ásamt gömlum góðum félögum að steggja Þorbjörn Geir Ólafsson það var bara alveg drullugaman að taka smá skrans í hólmitz og vera pínu í því svona yfir heilann dag og djamma. Þetta fór allt vel fram og enginn merkilegur andskotans skandall var gjörður. Nema bara að djúsa með strákunum og fara í fótbolta og horfa á fótbolta og éta nautakjöt og gera grín að steggnum. En hann var í Elvis búning og þurfti að taka lagið á gítar og söng fyrir fólk á förnum vegi m.a. á benzó, í bakaríinu og fyrir sundlaugargesti.

Annars er ég eitthvað lítið í stuði að skrifa núna og er að spáí að fara á Neskaupstað um verzlóhelgó og djammó þaró en það kemur allt í ljós en hvað ætlið þið að gera??? En ég ætla nú samt í Brokey á næstu helgi og elta rollur og taka af þeim ullina svo þeim verði ekki of heitt í góða veðrinu. !!!! bless bless

Monsi “þegar sólin er ekki til viðræðu”